Chi semmu

U Studio Canepa Associati u l’è staeto fondou in to mille nêuveçénto novànta nêuve da l’inzegnê Giovanni Canepa vulgo Gianni, da u figgio architétto Maorìçio Canepa e da u nêvo  inzegnê Giovanni G. Canepa.

Giovanni Canepa s’è laoreòu in tu mille nêuveçénto   çinquànta  trei in Inzegneria civîle e dei traspòrti. Pe incomensâ  u la travagiòu in te l’inpréiza Parodi & De Rege: i titulari eian famusi costrutùì  e stavan in belìscimi  palàssi  d’Arbà. In tu mille nêuveçénto   çinquànta  nêuve  u Gianni u decìdde  de arvî una ativitæ in pròprio. Sun i anni du “boom economico” e l’Italia deive scancelâ e ferîe   da goæra. Ghe sun cantê dónde se ségge e de tùtti i tîpi .

Trei anni fa Giovanni Canepa  u l’è stetu festezòu pei 60 anni de inscriçión a l’ òrdine degli Inzegnê de Zena.

U  prìmmo  scagno u l’ea ciù ò mêno  un retru  bitêga : l’ea u cian de  sórvia  da bitêga   de alimentâri  de e làlle in via Arbà 9: de sutta e làlle vendevan pasta fresca (famôzi  i raieu de e làlle),   e de  sórvia  se progéttavan  case e palazzin-e. U Gianni u le restou un òmmo pràtico  : u l’è pràtico de nascita, u l’ha prinçipiou cun dònne pràtiche .

L’inzegnê Giovanni Canepa  vulgo Gianni u l’ha sempre acetòu  a sfìdda da modernitæ, de la trasformaçión, da ténica e de l’òrganizaçión  sénsa   desmentegâ  a  tradición  . Ancón   òua  verifica i   càlcoli du computer cun u regolu: va ben la modernitè, ma è megiu nu fiâse e nu stâsene.

Dòppo quarant’anni de libera profesción  nasce a socjêtæ   Studio Canepa Associati: v’ arîan   gli “storici” colaboratôi de u Canepa, persónne   òramâi   de famìggia   : ma u baccan ghe da du vuscià  comme se faxeva na vòtta . Arîan anche i zueni,    inzegnê  e architetti:    Maorìçio  u figgiu architettu e u nevu Gianni junior, inzegné.

Tànti dei lòu progétte e segoî comme direttui dei travàggi da u Stùdiu fan parte du  paizàggio de a çitæ de Zena e dintórni. Ma ghe sun anche opere importanti in atre región d’Italia cómme u stabiliménto da Marconi Italiana a Caserta

Pe turnà in Ligùria  intrêghi  quartê  sun òpia du Studio. Villa Gavotti  sórvia  a Multedo e u Donegaro de Cogoêuo con un céntro comerciâle e na ciàssa de 7000 mêtri quadrâti: in questo lòu ghè la valorizaçión de unna antîga  fornâxe de  câsìnna, un càppo d’òpera de ricùpero de archeologia  industriâle. Un’atra realisaciun importante a l’è steta u stabilimento Elsag de Sestri Ponente, ovia personale de l’inzegnê Gianni. Inpegnatîvo l’è stetu progetâ a sede Ekaf per brustolî u cafè, stabilimento modèrno  e bén bén   tecnico.

Asæ  inportànte la inaoguraçión du céntro  logistico della Ligabue S.p.A., unna  socjêtæ de Venéçia de fornitûe  de bòrdo  .

In Rivea, a Spoutórno, u Studio u l’ha  fæto un bórgo mainâ  vêgio   stîle, cun 90 scîti sensa auto in tu giardìn: e stràdde pe e màchine sun sóttotæra, novitæ pe avéi  u màscimo du confort inta riproduçión du fàscino antîgo.

I Canepa travaggian anche in tu restàoro: u Tiâtro da Zoventù, fabricòu durante u fascìsmo , adêuviou  de ræo comme  tiâtro, oua ha unna sala teatrâle de 400 pòsti e un auditorium da 100 pòsti, dónde prìmma faxevan a scherma.

Unn-a de ùrtime òpere du Stùdio l’è a Campi a prestigiosa sêde zenéize di Maisons du Monde, cadénn-a  françéize de aredaménto. E ancón i céntri comerciâli Sogegross e sciti de abitaçión in via Puglia e in via Albaro 43.

I cullaburatui travagian sempre sótta la supervixón  de un-o dei titolari. Ghe sun anche importanti consulenti esterni tra cui alcuni titolari di cattedre universitarie

Lo Studio travaggia tantu e ben, conciliando u stile bitêga cu e  conpeténse “plurime e interdisciplinari” de colaboratôi  specializè  in vari  cànpi: seguéssa,  ténica de costruçión ecétera, ecétera.

Un progétto firmòu Canepa u l’è sempre conplêto   e garantîo. Sia cu segge destinou a câza de abitaçión, a rescidénsa pe i vegetti, a pòsto de travaggiu, o a diventâ gêxa un casaménto saià sempra armonizòu cu u paizàggio e fonçionâle.